Ao anatin’ny volana MARTSA , volana ho an’ny vehivavy, ny PAOSITRA Finances dia manome voninahitra ny vehivavy Malagasy rehetra, na mpanjifa, mpiasa, na mpiara-miombon’antoka, amin’ny alalan’ny HETSIKA Ampela Paré, izay mimpitambatra ireo hevitra manentana sy mahasoa mifototra amin’ny soatoavina: “Manakaiky – Manampy – Mampivoatra”.
Ampela Paré : HETSIKA manan-danja ho an’ny vehivavy Malagasy
Ny hetsika Ampela Paré, izay midika hoe “vehivavy, vonona sy tompon’andraikitra”, dia hanamarika ny hetsika rehetra ataon’ny PAOSITRA Finances mandritra ny volana Martsa.
Ny hetsika ataontsika mandritra ity volana ho an’ny vehivavy ity dia hifantoka amin’ity hetsika Ampela Paré ity.
Ny tanjon’ireny hetsika ireny dia ny hanentana sy hanohana ny vehivavy rehetra amin’ny tetikasan’izy ireo sy amin’ny fanatanterahana ny tanjona, amin’ny lafiny iray, fa ihany koa manasongadina ny fanirianay hanohana ny vehivavy tsirairay amin’ny “fandrosoany”.
Ity hetsika ity dia nihainga tamin’ny teny filamatra “Ianao Paré, Vinanao tratra e”, miaraka amin’ny fanomezana haja manokana ho an’ny vehivavy.
Tolotra manokana :
Fikarakarana maimaim-poana ny sarany fangatahana ho an’ny vehivavy rehetra mandritra ny volana Martsa
Ho fanamarihana ny volana, manolotra ny fikarakarana maimaim-poana ho an’ny fangatahana crédit rehetra ataon’ny vehivavy izahay , eny amin’ny masoivoho rehetra mandritra ny volana Martsa 2025.
Amin’ity tolotra manokana ity, dia manamafy ny fanoloran-tenan’ny PAOSITRA Finances hanohana ny vehivavy izahay, na ho an’ireo mpandraharaha, mpiasa amin’ny sehatra tsy miankina na mpiasam-panjakana.
Matoky izahay fa amin’ny fanamafisana ny fahaleovantenan’izy ireo ara-bola, dia manampy amin’ny fananganana hoavy mirindra sy mamokatra ho an’ny rehetra izahay.
PAOSITRA Finances sy ny vehivavy :
Maherin’ny 49% amin’ny mpanjifanay dia vehivavy avokoa. Ny tanjonay dia ny hanatrarana mpanjifa vehivavy bebe kokoa, miaraka amin’ny tolotra maimaim-poana ho an’ny saram-pikarakarana ho an’ny vehivavy amin’ity volana Martsa ity.
Vehivavy avokoa ny 60% amin’ny ekipa mpiara-miasa eto amin’ny PAOSITRA Finances, izay mitana anjara toerana lehibe ao amin’ny orinasa, misy vehivavy telo mitana toerana stratejika ao amin’ny komitim-pitantanana. Asongadintsika izy ireo mandritra ity volana natokana ho an’ny vehivavy ity.
Fandraisana anjara ara-tsosialy sy fandraisana anjara mavitrika: mandritra ity volana ity, PAOSITRA Finances dia mandray anjara amin’ny hetsika samihafa mba hanomezan-danja ny zava-bita, hanohana ny ezaka ataon’ny vehivavy malagasy ary hampahafantatra ny maha-zava-dehibe ny fidirana ara-bola. Mino tanteraka izahay fa misy fiantraikany sy mety hiteraka vokatra tsaratsara kokoa ho an’ny vehivavy malagasy tsirairay.
Amin’ny fanolorana vokatra mifanaraka, dia mandray anjara amin’ny fampihenana ny fahantrana sy fampivoarana izahay.